Memoria de actividades do 2001

Durante o ano 2001, a Confederación levou a cabo unha serie de actividades, entre as que hai que destacar:

• Consolidación das relacións coa UNOPS (Oficina das Nacións Unidas ó Servicio de Proxectos): participación no "Seminario internacional sobre cooperación e partenariados territoriais para o desenvolvemento da área mediterránea", que tivo lugar en Vibo Valentia (Italia) en xaneiro, e firma de acordos de colaboración con algúns Fondos (Euskal Fondoa, FAMSI e Fons Català).
  
  
• Comparecencia no Senado: o 10 de maio a Confederación de Fondos compareceu ante a Ponencia para o estudio da Cooperación Descentralizada, creada pola Comisión de Asuntos Exteriores do Senado, onde se expuso a importancia que nos últimos anos adquiriu a cooperación descentralizada no ámbito do Estado e, por iso mesmo, defendeuse a necesidade de ser promocionada e recibir axuda doutras institucións
  
  
• Análise dos modelos de cooperación descentralizada en Europa: do que hai que destacar que existen catro Estados: Bélxica, Francia, Italia e Suecia, que recoñecen explicitamente -mediante regulación lexislativa- competencias propias no eido da cooperación ás administraciones rexionais e/ou locais. Ademais, os tres últimos inclúen a posibilidade de cofinanciar proxectos presentados por entes locais.
  
  
• Apertura dunha oficina permanente en Marrocos: en outubro entrou en funcionamento unha oficina da Confederación en Tetuán, que puxeron a andar conxuntamente o Fons Català e o Fons Mallorquí co obxetivo de dar pulo á relación de cooperación cos países do Magreb, e a longo prazo a tódala zona sur e oriental do Mediterráneo
  
  
• Publicacións: tamén no mes de outubro apareceu en castelán, en catalán e en galego o libro Municipalismo e solidaridade. Guía da cooperación descentralizada, que quere ser un instrumento de reflexión sobre as posibilidades e alternativas que ofrece a cooperación descentralizada. Por outra banda, púxose a andar a traducción da Memoria 1999-2000 ó francés, coa intención de que se converta nunha carta de presentación que facilite as relaciones exteriores, especialmente coa UE, e para o Magreb.
  
  
• Municipalia: por convidación do Concello de Lleida, a Confederación participou na feria Municipalia (16 ó 19 de outubro). O día 17 tivo lugar a presentación da Guía da cooperación descentralizada e do Estudi da cooperació local de Catalunya amb els països del Sud, e a conferencia "Xestión municipal participativa e solidaridade", a cargo da esperta uruguaia Arlés Caruso.
  
  
• Comisión Interterritorial: o 24 de septembro asistíuse á convocatoria da Comisión Interterritorial, que tiña como tema central a aprobación do Plan Anual 2002. A proposta completa do Plan do Gobierno foi enmendada pola Confederación mediante un documento no que se puñan en cuestión varios puntos, tanto conceptuais coma formais.
  
  
• Reunión co Secretario xeral da AECI: o día 31 de outubro tivo lugar unha entrevista dunha delegación da Confederación de Fondos co Secretario xeral da Axencia Española de Cooperación Internacional, Sr. Rafael Rodríguez-Ponga Salamanca, na que se acordou propicia-la xeneralización de convenios de colaboración entre a Agencia e os Fondos que aínda no os tiveran mediante a elaboración dun Convenio Marco, que facilite a presentación de proxectos no eido dos plans operativos.
  
  
• Comisión Permanente Interterritorial: sobre a reunión celebrada o 19 de novembro, convén destaca-la vontade do goberno de dar contido á Comisión Interterritorial na liña de coordinar a convocatoria, execución e seguimento de proxectos de cooperación directa e de emerxencia, malia de mellorar a contabilización dos recursos da cooperación descentralizada, e sobre todo de establecer convenios. Informouse tamén sobre os exames do CAD deste ano.
  
  
• Observació de les eleccions a Nicaragua: amb motiu de la celebració de les eleccions generals a Nicaragua el 4 de novembre de 2001, la Confederació envià una delegació d'observadors integrada per representants d'Euskal Fondoa, Fons Català, Fons Mallorquí, Fons Pitiús i Fons Valencià, que a posteriori, van poder visitar diferents projectes de Nicaragua i El Salvador el seguiment dels quals es realitza des de l'oficina de Managua, i participar a l' "Encuentro internacional de mujeres electas en cargos públicos de entidades locales" (El Salvador, 8 a 12 de novembre).
  
  
• Contacto con posibles futuras xestoras de novos fondos de cooperación: a Confederación foi convidada a unha reunión, o 8 de novembro, a Asturias, para dar a coñecer as características dos Fondos de Cooperación en xeral e as diversas modalidades que adoptan, a prol de constituir unha comisión que xestione a creación dun Fondo Asturiano. Por outra banda e tamén coa finalidade de contribuír a consolidar posibles novos fondos, a Confederación de Fondos de Cooperación participou en sendas Xornadas sobre cooperación descentralizada organizadas respectivamente pola Secretaría de Acción Exterior do Gobierno Autónomo de Murcia e pola Asociación para a Cooperación ó Desenvolvimento no Ámbito Municipal (ACODAM) de Badaxoz.
  
  
• Foro Social Mundial de Porto Alegre: Desde a Confederación foise seguindo e valorouse moi positivamente o proceso que se puxo a andar a raíz da celebración do I FSM de Porto Alegre a finais de xaneiro de 2001, con especial interese polas propostas de actos a escala rexional que sirvan non so para facilita-lo diálogo, senón tamén para incorporar a sectores, áreas xeográficas e culturas que aínda non estean representados no Foro. Nese senso, e na liña que marcan os principios do Foro de Autoridades Locais pola Inclusión Social, a Confederación de Fondos decidiu enviar algún representante ó II FSM de Porto Alegre 2002.

Acceso direito a información relacionada con esta páxina