Plan de traballo 2002

O Plan de traballo da Confederación de Fondos de Cooperación e Solidaridade para 2002 presenta unha liña de continuidade respecto ó do ano 2001, a excepción da introducción dun apartado específico para fomenta-la interlocución no ámbito autonómico, perante a posta en funcionamento de procesos de aprobación de leis de cooperación en varias Comunidades Autónomas.

• Marco legal autonómico: o obxetivo é traballar activamente para que se manteña e, se fose posible, se amplíe ó marco autonómico a interlocución conseguida no marco estatal. Hai que facer os esforzos necesarios para que cada Fondo se converta no seu territorio no referente en canto a compilación de datos sobre a cooperación que levan a cabo as corporacións locais.
  
  
• Representación conxunta e seguimento da cooperación do Estado: desde diferentes niveis, tanto na Comisión Interterritorial e a AECI, como noutros ámbitos estatais ou europeos, como a Comisión Parlamentaria de Cooperación, a Comisión de Cooperación da FEMP e a Unidade de cooperación descentralizada da Dirección Xeral do Desenvolvimento da UE. Do mesmo xeito seguirase colaborando coa CONGDE e cos movementos sociais de base cando se considere oportuno. Sempre coa vontade de mellorar tanto a calidade como a cantidade da cooperación ó desenvolvemento, e de difundir noutras Comunidades Autónomas a idea do que é e o que representa un fondo, apoiando os procesos de xestación de novos fondos de cooperación.
  
  
• Cooperación descentralizada en Europa: habería que profundizar nas experiencias analizadas mediante o estudio de diferentes modelos de cooperación descentralizada e as súas modalidades de financiación noutros estados europeos e, ó mesmo tempo, coñecer cómo, desde a propia Comisión Europea, materialízase a vontade decidida de apoia-la cooperación que realizan as administracións de ámbito descentralizado.
  
  
• Reforzo das capacidades dos Fondos: seguindo tres liñas de xestión fundamentais: rigor técnico, transparencia na xestión e incremento da participación. Para asegura-la efectividade do intercambio de experiencias na xestión, metodoloxía e criterio proponse a realización dun novo seminario de técnicos. Por outra banda , é necesario continuar potenciando e fortalecendo o labor das oficinas técnicas de Managua e de Tetuán.
  
  
• Ampliación da colección "Cooperación municipal ó desenvolvemento": con dúas publicacións previstas xa o ano pasado: a edición da Memoria 1999-2000 en francés, como instrumento de presentación ante organismos internacionales e para facilita-las relacións na área do Magreb; e a edición pendente en euskera da Guía sobre a cooperación descentralizada. Por outra banda, prevese un labor máis intenso de difusión das publicacións existentes e a creación do portal de internet da Confederación.

Acceso direito a información relacionada con esta páxina