Plan de traballo 2007

1. Vertebración da cooperación descentralizada

• Apoio a procesos de xestación de novos fondos: continuarase prestando apoio aos procesos de xestacioón de novos Fondos de Cooperación en todo o Estado, así como na difusión do modelo de fondo, a fin de gararntir a adecuación ao modelo establecido polos Fondos para evitar unha gran dispersión en novos modelos.
  
• Incidencia no marco estatal e europeo: os procesos de aprobación e de desenvolvemento regulamentario de leis de cooperación en distintas comunidades autónomas continúan en marcha. Xa que logo, é necesario dar continuidade á liña de traballo de seguimento de devanditos procesos, para garantir que se manteña e se amplíe, se cabe, o grado de interlocución alcanzado no ámbito estatal. Por outra banda, no ámbito europeo convén dar continuidade ao proceso de incidencia sobre regulamentos que afecten ao campo de acción da cooperación descentralizada.

2. Representación conxunta e seguimento da cooperación do Estado

• Comisión Interterritorial: haberá que seguir facendo un esforzo colectivo para asegurar a participación nas convocatorias dos grupos de traballo nas que se traten temas que afecten ás áreas de traballo dos Fondos. Así mesmo é importante seguir mantendo a presenza de representantes dos Fondos na Comisión Interterritorial, así como a presentación de propostas e emendas no marco do seguimento e control das políticas de cooperación do Estado español. Convén recordar que a participación na Comisión Interterritorial dá visibilidade e prestixio aos Fondos a escala estatal, e pon de manifesto a súa capacidade propositiva.

• Relacións coa Axencia Española de Cooperación Internacional: as novas vías de diálogo e colaboración que se teñen iniciado coa participación dos Fondos no deseño dos eixes do programa de cooperación municipalista en América Central, teríanse que consolidar e sería bo que se ampliaran a outros eidos. Neste sentido, previse prantexar á AECI as propostas dos Fondos no marco do apoio á cooperación descentralizada que establece o novo Plan Director, en dúas liñas de acción: fortalecemento do poder local como obxectivo de cooperación, a través dun programa específico de apoio ao municipalismo e ao desenvolvemento local; e apoio á administración local como axente de cooperación, e de forma específica aos Fondos como redes de municipios cooperantes e como interlocutores das administracións locais cooperantes ante as institucións estatais.
  
• Relacións coa Federación Española de Municipios e Provincias (FEMP): suscítase o establecemento dun convenio marco entre a Confederación de Fondos e a FEMP, co obxectivo de definir e recoñecer mutuamente os ámbitos de actuación respectivos, e de colaborar nos que sexan comúns.

• Relacións coa Coordinadora Estatal de ONG para o Desenvolvemento (CONGDE): considérase conveniente retomar as vías de colaboración coa CONGDE, e máis concretamente intentar abrir vías de traballo conxunto no impulso e seguimento da cooperación descentralizada autonómica e estatal.

3.Interlocución común no ámbito internacional

• Relacións coas Nacións Unidas: é importante manter as relacións institucionais cos organismos internacionais, particularmente coas Nacións Unidas, especialmente no marco do PNUD (Programa de Nacións Unidas para ao Desenvolvemento), a través do Programa ART e as súas expresións rexionais (PDHL e GOLD).
  
  
• Relacións con redes de gobernos locais: darase continuidade igualmente á participación dos Fondos de Cooperación en institucións e redes de gobernos locais no ámbito internacional, intentando establecer vías de colaboración, particularmente con Cidades e Gobernos Locais Unidos, a través da Comisión de inclusión social e democracia participativa (FAL) e a Comisión de Cooperación Descentralizada e coa Rede de Municipios Europeos pola Paz en Oriente Próximo.
  
  
• Relacións coa UE: no novo marco de recoñecemento do papel dos gobernos locais a nivel internacional debemos establecer un mecanismo de incidencia e coordinación coas institucións europeas.

4. Fortalecemento da capacidade dos Fondos

A Confederación de Fondos constitúe un espazo de diálogo e intercambio onde compartir a práctica das accións de cada un dos Fondos, de maneira que aqueles Fondos máis recentes poidan aproveitar a experiencia en xestión, metodoloxías e criterios dos que levan máis anos en funcionamento. Así mesmo, estas prácticas poden ser compartidas tamén entre os Fondos con máis experiencia para que, na medida que sexan compatibles, póidanse incorporar como características definitorias do modelo de xestión dos Fondos.

• Reforzo do traballo de xestión dos Fondos, en tres elementos primordiais: rigor técnico (criterios claros de selección, prioridades xeográficas e sectoriais definidas, mellora das técnicas de seguimento e da valoración de impacto das accións desde unha visión municipalista e de desenvolvemento local); transparencia na xestión (auditorías, impecable xestión económica, incremento da información sobre as accións que é desenvolven e obtención da declaración dos Fondos como entidades de utilidade pública); e incremento da participación (conseguir que as entidades locais, as ONGD e os colectivos que forman parte de cada un dos Fondos se sintan identificados con eles e poidan implicarse directamente nos mesmos), e coordinar as condicións laborais dos diferentes fondos. O obxectivo é conseguir que cada Fondo se consolide como axencia de cooperación municipal no seu ámbito territorial respectivo, e que sexa recoñecido como tal tamén nos marcos legais e representativos que corresponda.
  
• Fomento de oficinas técnicas conxuntas, consolidando o labor da oficina técnica de Managua para que poida seguir contribuíndo á integración do traballo dos Fondos e propiciando un intercambio máis grande entre eles. Neste sentido proponse a coordinación dunha delegación conxunta de Observación electoral para o mes de novembro, con motivo da celebración de eleccións xerais en Guatemala.
  

5. Proxectos de sensibilización compartidos.

• Publicacións: está prevista a elaboración da memoria 2004-2006 así como a actualización do folleto que presenta á Confederación de Fondos.

• Espazo virtual: seguirase igualmente fomentando a difusión das iniciativas da Confederación e dos Fondos de Cooperación e a reflexión sobre a cooperación descentralizada a través do noso boletín electrónico, para o que resulta imprescindible a implicación de todos os Fondos, posto que só así se garante a calidade da publicación e poderase asegurar a periodicidade bimestral; e do Observatorio da cooperación descentralizada, cuxos contidos continuase ampliando, especialmente polo que respecta ás bases de datos de normativa legal e de documentación sobre cooperación descentralizada. Evidentemente, hai que ter en conta o labor de mantemento e actualización permanente da páxina web, así como o seguimento das visitas e consultas.

6. Organización.

• Realizar as reunións necesarias e fixar os instrumentos para a concreción das actividades deste Plan de Traballo, a súa temporalización, orzamento e distribución de responsabilidades.

• Concretar as funións da estructura técnica (secretaría, coordinación entre xerentes, etc.) da Confederación para mellorar a súa eficacia.
  
  
  

Acceso direito a información relacionada con esta páxina