Fondo Extremeño Local de Cooperación al Desarrollo

O Fondo Extremeño Local de Cooperación al Desarrollo, FELCODE, constituído en marzo do 2002, é un organismo sen ánimo de lucro integrado por institucións públicas locais da Comunidade Autónoma de Estremadura (concellos, deputacións, mancomunidades), coa participación doutras entidades públicas e privadas da rexión.

Os seus principias obxectivos son os seguintes:

• Contribuír dende o ámbito local estremeño ó desenvolvemento dos países do xenérico "Sur" (antes coñecido coma Terceiro Mundo), a traveso da construcción dun fondo económico.
  
  
• Apoiar, no seu caso, proxectos e programas que promovan un desenvolvemento sostible nestes países con criterios de igualdade, mutua colaboración, e respeto ás culturas e ás identidades de cada comunidade.
  
  
• Fomentar e prestar axuda ós esforzos das institucións públicas e entidades privadas de todo tipo que actúan en Estremadura, para crear un clima de opinión pública favorable á promoción dunha nova orde económica internacional máis xusta, sa e máis solidaria.
  
  
• Estimular a participación cidadá na cooperación solidaria ó desenvolvemento.
  
  
• Colaborar para que o destino mínimo do 0,7% do P.I.B. á axuda pública para os países subdesenvolvidos sexa unha realidade, segundo o acordo da ONU subscrito polo Estado Español.

No marco deses obxectivos, o Fondo Extremeño Local desenvolve as súas actividades en tres áreas:

a) Proxectos e iniciativas de desenvolvemento: impulsando con prioritariamente iniciativas que fomenten o municipalismo, a descentralización, a participación cidadá, o desenvolvemento local, os dereitos humanos e dos pobos, e o desenvolvemento sostible, tentando abordar as causas estructurais da pobreza.

b) Sensibilización e educación para o desenvolvemento: contribuíndo a manter á opinión pública informada da realidade da pobreza no mundo, e das causas e estructuras que a perpetúan.

c) Axuda humanitaria e de emerxencia: axudando á coordinación de esforzos entre municipios e deputacións, e a administración autónoma, entidades financeiras, ONG e a sociedade en xeral, para fortalecer a capacidade de acción humanitaria e de emerxencia.

Na actualidade o Fondo Extremeño Local conta con 119 socios, entre os que se atopan as Deputacións de Badaxoz e Cáceres.

Acceso direito a información relacionada con esta páxina