Fondo Andaluz de Municipios para la Solidaridad Internacional

O Fondo andaluz de Municipios para la Solidaridad Internacional, creado a primeiros do ano 2000, ten por finalidade fortalecer a cooperación para o desenvolvemento impulsada dende os municipios, mancomunidades e deputacións de Andalucía, e apoiar a promoción da solidariedade como actitude xeneralizada na sociedade andaluza. Ademais das entidades asociadas, o FAMSI conta cunha rede de entidades colaboradoras (Xunta de Andalucía, Caixas de Aforros) e asociativas (FAMP, Coordinadora de ONG de Andalucía, Confederación de Asociacións de Veciños de Andalucía, Asociación de Emisoras Municipais de Radio e Televisión de Andalucía, etc.).

Os principios que rexen a actividade do FAMSI son os seguintes

• Defender un modelo de desenvolvemento social xusto, que fomente a redistribución da riqueza e a garantía do benestar para toda a humanidade.
  
  
• Loitar por un modelo de desenvolvemento ambiental sa que protexa a natureza, garantindo a utilización dos recursos de forma sostible e a súa preservación para as xeracións futuras.
  
  
• Reclamar os dereitos humanos individuais e colectivos, comezando polo dereito á vida, á saúde e á educación.
  
  
• Apoiar especialmente medidas, accións e propostas contra o racismo e a xenofobia, e a favor da igualdade de oportunidades para homes e mulleres.

Estes principios lévanse a cabo no marco das nosas liñas de traballo:

a) Avaliando e inventariando a cooperación descentralizada en Andalucía durante os últimos anos.

b) Impulsando a posta en marcha de iniciativas de desenvolvemento coordinadas tanto con entidades asociadas, a traveso de cooperación directa, coma con ONG.

c) Levando a cabo un extenso programa de sensibilización e comunicación coa participación de institucións e axentes sociais.

d) Desenvolvendo actividades de formación que permitan mellorar a calidade da xestión e o compromiso en cooperación internacional dende os municipios.

Despois dun ano de andadura o Fondo Andaluz conta xa con 50 socios, entre eles 7 das 8 deputacións provinciais de Andalucía.

Acceso direito a información relacionada con esta páxina