Fons Pitiús de Cooperació

O Fons Pitiús de Cooperació creouse a finais de outubro de 1999 coa vontade de coordina-los esforzos de tódalas institucións das illas de Eivissa e Formentera, para abrir camiños de sensibilización e asumi-los proxectos concretos de cooperación cos países empobrecidos, en colaboración coas ONG:

Entre as principais accións a realizar cabe salientar:

a) Dar a coñece-lo traballo do Fons entre as institucións e a sociedade pitiusa co fin de que se impliquen en tódolos seus actos.

b) Promover que tódalas institucións públicas e entidades privadas das Pitiusas se impliquen en tarefas de cooperación ó desenvolvemento e que cheguen destinar un mínimo do 0,7% dos seus respectivos orzamentos.

c) Consolida-las actividades a realizar en tres áreas de traballo do Fons: financiamento de proxectos, capacidade de reacción en situacións de emerxencia e sensibilización.

O Fons Pitiús ten 16 socios, 3 deles son concellos, feito que significa que dentro do Fons están presentes o 50% dos municipios das Pitiusas. O Govern de les Illes Balears e o Consell Insular d'Eivissa i Formentera son membros do Fons dende a súa creación.

Acceso direito a información relacionada con esta páxina