Fondo Galego de Cooperación e Solidariedade

O Fondo Galego naceu en decembro de 1997, despois dunha ampla reflexión colectiva, co convencemento de que era necesario propiciar un salto cualitativo nas dinámicas de cooperación impulsadas dende o movemento municipalista. Co Fondo quérese democratiza-la cooperación e facer posible que calquera entidade local poida implicar á súa poboación en actividades humanitarias.

Os principais obxectivos son o financiamento de programas concretos de cooperación, e a promoción de campañas de sensibilización social destinadas á poboación.

As súas actuacións distribúense en 2 áreas:

a) Área de Xestión

b) Área de Sensibilización: que realiza unha exposición itinerante para promove-la sensibilización da cidadanía, así como diversas xornadas e conferencias sobre o papel de cooperación do Fondo.

A pesar da súa recente formación, o Fondo Galego acadou unha ampla representación (política e demográfica) que o sitúa en excelentes condicións para incrementa-la influencia do municipalismo no eido da solidariedade e incentiva-lo apoio social ás políticas de cooperación cos países en vías de desenvolvemento. Así pois, nestes momentos o Fondo Galego ten 84 socios dos que 80 son concellos que concentran o 56% da poboación galega, contando ademais coa especial colaboración das sete grandes cidades que asinaron recentemente un acordo polo cal o Fondo Galego xestionará toda a partida de cooperación destes municipios. Á súa vez, o Fondo Galego ten un convenio de colaboración coa Xunta de Galicia. Así mesmo o Fondo conta co apoio do sindicalismo galego a través dunha declaración pública.

Acceso direito a información relacionada con esta páxina