Fons Menorquí de Cooperació

O Fons Menorquí creouse en 1993 co apoio de administracións públicas. ONG, entidades cidadáns e sociedade civil, coa finalidade común de favorecer unha cooperación que impulsara tanto no Norte coma no Sur a participación local no deseño dun modelo de desenvolvemento economicamente sostible e culturalmente plural (encontro intercultural). Entre os seus obxectivos atópanse o financiamento de proxectos en países en vías de desenvolvemento, a sensibilización da sociedade, a denuncia pública das violacións dos Dereitos Humanos, e a difusión das actividades do Fons.

O Fons Menorquí esta organizado en 2 áreas:

a) Área de cooperación: financiamento e seguimento de proxectos en 5 sectores: inmigración, promoción de alternativas económicas sostibles, fortalecemento da sociedade civil e a democracia, emerxencias e necesidades básicas.

b) Área de sensibilización: coordinación das ONG e Administracións en actividades de:

• Sensibilización (exposicións, conferencias, xornadas, festas).
  
  
• Educación para o desenvolvemento (obradoiros e actividades complementarias ós centros educativos).
  
  
• Formación (cursos destinados ós membros de ONG e á sociedade en xeral en vistas a promover unha maior preparación do tecido asociativo de Menorca).
  
  
• Documentación e reflexión (organización dun fondo documental e promoción da lectura e o intercambio de ideas entre os membros das ONG e as Administracións sociais).
  
  
• Difusión (boletín trimestral e memoria anual nas que se recollen as actividades realizadas polo Fons Menorquí, e publicación periodica d'artículos na prensa local).

Desde a súa creación o Fons Menorquí conta co 100% dos municipios da illa, o 100% das ONG e numerosas entidades cidadáns (asociacións de veciños, centros educativos, pequenos comercios,...). Cos anos o número de socios incrementouse, sobre todo polo que respecta ós socios colaboradores e socios individuais. Actualmente o Fons Menorquí conta con 25 socios entre os que se atopan o Govern de les Illes Balears e o Consell Insular de Menorca.

Acceso direito a información relacionada con esta páxina