Fons Valencià per la Solidaritat

O Fons Valencià per la Solidaritat creouse no ano 1992 para canalizar dunha forma coordinada os recursos que destinan os concellos a outras entidades valencianas a proxectos de cooperación, para un desenvolvemento sostible e integral dos pobos máis desfavorecidos do mundo.

As súas actividades distribúense en 3 áreas de traballo:

a) Área de Xestión e Difusión, que ten como obxectivo xestionar e difundi-las actividades realizadas polo Fons ó máximo número de institucións, concellos e á sociedade valenciana en xeral.

b) Área de Cooperación, encargada de xestiona-los proxectos presentados polas ONGD e contrapartes do Sur, aprobados polo Fons, ós que se dedica o 90% da totalidade do presuposto anual. O Fons Valenciá participa tamén no Comité de Emerxencia da Comunidade Valenciana.

c) Área de Sensibilización, a través da cal se realizan distintos programas como o Proxecto de Formación de Voluntariado Municipal e Cooperación Internacional, as Xornadas pola Solidariedade nos municipios do Fons Valencià, xornadas para os responsables en cooperación, exposicións, etc, co obxectivo de incidir nas causas da pobreza tamén dende o Norte.

O Fons Valencià confórmano actualmente 106 socios; a Generalitat Valenciana ostenta a Presidencia Honorífica.

Acceso direito a información relacionada con esta páxina