Presencia institucional

A Confederación de Fondos de Cooperación e Solidariedade levou a cabo unha tarefa importante de seguimento do proceso de aprobación da Lei de Cooperación Internacional para o Desenvolvemento do Estado español, de maneira que o texto aprobado polo Parlamento en xullo de 1998 recolle algunhas das emendas presentadas pola Confederación de Fondos ós diferentes grupos parlamentarios, nas que se facía fincapé na importancia da cooperación descentralizada como vía de participación dos diferentes organismos locais na cooperación ó desenvolvemento.

Por outra parte, conseguíuse garanti-la presencia dos Fondos de Cooperación na Comisión Interterritorial, órgano de representación das institucións locais, autonómicas e centrais para a coordinación das políticas de cooperación ó desenvolvemento do Estado español. Así o previra o Artigo 4 do regulamento que establece a composición e funcións desta Comisión (BOE nº 13; Real Decreto 22/2000 de 14 de xaneiro):

"19 representantes das Entidades Locais que xestionen fondos conceptuados nos seus respectivos orzamentos como axuda oficial ó desenvolvemento, ou de instancias supramunicipais en que estas expresamente deleguen, en particular os Fondos de Cooperación e Solidariedade, serán elixidos pola asociación do ámbito estatal con maior implantación, dacordo cos seus propios procedementos internos".

Concretamente os Fondos contan con 7 representantes, que son actualmente:

• Teo Romero i Hernández, presidente do Fons Català e alcalde de Santa Margarida de Montbui.
  
  
• Rosa Maria Ostogain Echeverria, presidenta de Euskal Fondoa e alcaldesa de Berriz.
  
  
• Vicent Moreno Montañés, presidente do Fons Valencià e alcalde de Castelló de Rugat.
  
  
• Alfredo Novoa Gil, presidente do Fondo Galego e tenente de alcalde de Oleiros.
  
  
• Bernardí Coll i Martorell, representante do Fons Mallorquí, do Fons Menorquí e do Fons Pitiús e alcalde de Mancor de la Vall.
  
  
• Francisco Pulido Muñoz, presidente do Fondo Andaluz e da Deputación de Córdoba.
  
  
• Miguel Ángel Morales Sánchez, vicepresidente do Fondo Extremeño e da Deputación de Cáceres.

Na Comisión Permanente Interterritorial ten representación o Fons Català de Cooperació al Desenvolupament.

Acceso direito a información relacionada con esta páxina