Zer da Lankidetzarako eta Elkartasunerako Fondoa?

Lankidetzarako eta Elkartasunerako Fondoa irabazi asmorik gabeko erakundea da, eta bertan udalak eta beste erakunde publiko eta pribatu batzuk biltzen dira, helburu hauek betetzeko:

• Fondo ekonomiko bat sortuz eta kudeatuz munduko herrialde pobretuen garapena bultzatzea, lankidetza deszentralizatua ahalbidetzeko eta Hegoaldeko herrialdeen garapen gizatiarra eta jasangarria bultzatzeko.
  
  
• Iparraldeko eta Hegoaldeko herrialdeen artean aberastasuna banatzean desoreka eragiten duten arrazoiei buruzko sentsibilizazio kanpainetarako eta herrialde pobretuei laguntzeko egitasmoetarako fondoari emandako dirua administratzea eta kudeatzea.
  
  
• Erakunde ofizialek, bestelako erakundeek eta elkarteek herritarrengan nazioarteko ordena ekonomiko berri baten aldeko iritzia sustatzeko ahaleginak bultzatzea eta babestea.
  
  
• Kanpaina eta informazio egokien bidez, herritarrek herrialde pobretuekiko lankidetza egitasmoetan eta demokrazia parte hartzaileagoa eraikitzen parte har dezaten sustatzea.
  
  
• Barne Produktu Gordinaren %0,7 gutxienez Herrialde pobretuetara bideratzen laguntzea, Espainiako Estatuak Nazio Batuekin sinatutako hitzarmenari jarraituz..
  
  
• Hegoaldeko herrialdeetako giza eskubideen aurkako eraso guztiak salatzeko ahots kolektibo etikoa izatea eta ordezkaritza politiko orotan elkartasunaren eta lankidetzaren aldeko lege proposamenak eta ebazpen proposamenak aurkeztu ahal izatea..

Orrialde honekin lotutako informaziora zuzenean