Fondo bat sortzeko printzipioak. Fondo mota

Lankidetzarako eta Elkartasunerako Fondoen Konfederazioko fondoek zenbait puntu zehaztu dituzte, Lankidetzarako Fondoaren eredua definitzeko. Fondo guztiek bete behar dituzte ezaugarri horiek, eta fondo bihurtu edo Konfederazioarekin bat egin nahi duten erakundeek ezinbestean bete behar dute “dekalogo” moduko hau:

1.IRABAZI ASMORIK GABE LEGEZ ERATUTAKO ERAKUNDE AUTONOMOA (elkartea edo partzuergoa).

2. LURRALDE EREMUA: autonomia erkidego jakin batean sortu eta berezko identitatea izan behar du, eremu hori munizipalismoaren erreferentzia bateratua izateko, horrek duen zehaztasun guztiekin. Horren ondorioz, gaur egungo Espainiako Estatuan, fondoaren lurralde eremua autonomia erkidegoa eta herrialdea izango da gutxienez (uharteetako errealitateak izan ezik). Europa mailan, eskualdea hartuko da kontuan.

3. KIDEAK: batez ere, tokiko erakunde publikoak izango dira kideak, bai eta administrazio publikoak ere. Dena dela, aldez aurretik ez da inor baztertzen (oinarri politiko anitzekoa da). Erakunde bakoitzeko osoko bilkurak adostu behar du kidea onartzea, eta onespen hori behin betikoa izango da.

4. HELBURUA: elkartasunerako egitasmoak eta ekimenak lortzeko fondo ekonomiko bat eratzea eta kudeatzea.

5. ESTATUTUPEKO HELBURU KOMUNAK:

1. Fondo ekonomiko bat sortuz eta kudeatuz Hirugarren Munduko herrialdeen garapena bultzatzea, lankidetza deszentralizatua ahalbidetzeko eta garapen jasangarria sustatzeko.
   
2. Hirugarren Munduari laguntzeko eta garapenerako lankidetzari buruzko sentsibilizazio kanpainetarako fondoari emandako dirua administratzea eta kudeatzea.
   
3. Erakunde ofizialek, bestelako erakundeek eta elkarteek herritarrengan nazioarteko ordena ekonomiko berri baten aldeko iritzia sustatzeko ahaleginak bultzatzea eta babestea.
   
4. Kanpaina eta informazio egokien bidez, herritarrek Hirugarren Munduarekiko lankidetza egitasmoetan parte har dezaten bultzatzea.
   
   
5. Barne Produktu Gordinaren %0,7 gutxienez herrialde azpigaratuetara bideratzen laguntzea, Espainiako Estatuak Nazio Batuekin sinatutakoari jarraituz.
   
6. Hegoaldeko herrialdeetako giza eskubideen aurkako eraso guztiak salatzeko ahots kolektibo etikoa izatea eta ordezkaritza politiko orotan elkartasunaren eta lankidetzaren aldeko lege proposamenak eta ebazpen proposamenak aurkeztu ahal izatea.

6. HEDADURA: tokian tokiko laguntzak izatea, eta sare soziala hurbiltzea eta haren babesa lortzea (elkarteak, mugimendu sozialak…)

7. FUNTZIONAMENDU EGITURA:

• POLITIKOA (Bazkideen batzarrak aukeratutako Zuzendaritza; horrek ez du ordainsaririk izango) eta
• TEKNIKOA (Lan kontratupeko teknikariak).

8. JARDUEREN PROGRAMAZIOA: hauek ezinbestekoak dira:

-LAN PLANGINTZA (gutxienez urtekoa). Ezaugarri hauek izan behar ditu:

• Kide diren administrazioen baliabideen kudeaketa bateratua egitea, elkartasun egitasmo edo ekimen bateratuetarako.
  
• Hegoaldeko herrialdeen garapena sustatzeko ekimenak sendotzea (lankidetza zuzenekoak izateak edo ez izateak ez du axola, ez eta erakunde sozialen edo tokiko administrazioen bidez egiteak ere).
  
• Tokiko boterea sendotzea, Hegoaldeko eta Iparraldeko tokiko demokrazian sakontzea eta nazioarteko eragina sustatzea; eta, horrez gain, herriak elkarrengana hurbiltzea.

-AURREKONTUA: gastuen aurrekontuaren barnean, gutxienez baliabideen %90 lankidetza, sentsibilizazio edo/eta premiazko jardueretara bideratu behar da, eta %10 gehienez, kudeaketa gastuetara.

9. KUDEAKETAREN GARDENTASUNA ETA KONTROLA: kanpoko kontu ikuskaritza baten bidez bermatuko da.

10. JARDUTEKO FILOSOFIA ETA ESTRATEGIAK LANKIDETZA DESZENTRALIZATURA BIDERATZEA, Konfederazioak “Garapenerako udal lankidetza” bildumako Lankidetza deszentralizatuari buruzko gidan jasotakoari jarraiki.

Orrialde honekin lotutako informaziora zuzenean