Fondo mota: ezaugarriak eta abantailak

• Fondoa irabazi asmorik gabeko erakundea da.
  
• Tokiko erakunde publikoek osatzen dute: udalek, eskualdeko kontseiluek, mankomunitateek eta diputazioek. Horrez gain, autonomia erkidegoko gobernuaren parte hartzea ere badu, bertako alderdi politikoak edozein direlarik ere.
  
  
• Modu demokratikoan eta parte hartzekoan kudeatzen du fondo ekonomikoa, Hegoaldeko jendearen eta komunitateen garapen integrala bultzatzeko eta tokiko herritarren sentsibilizazioa indartzeko.
  
  
• Kudeaketaren kontrola eta gardentasuna ziurtatzen du, bai eta helburuei eta lehentasunei buruzko adostasuna ere.
  
  
• Administrazio eta egitura gastuak eskura dituen baliabide ekonomikoen %10era mugatzen ditu gehienez.
  
  
• Egitasmoak aurrera egingo duela ziurtatzen du, bat-bateko aldaketek ez dutela finantziazioan eragingo bermatu behar baitu, izan tokiko politikaren ondoriozko aldaketak nahiz Hegoaldeko bat-bateko premiazko egoerekin lotutakoak.
  
  
• Hegoaldeko herritarrekin zuzenean egiten du lan, Hegoaldearen eta Iparraldearen arteko harremana hobetzeko eta mundu bidezkoagoa eta solidarioagoa eraikitzen aurrera egiteko.
  
  
• Lankidetza gaietarako tokiko administrazioen lana errazten du, udal edo diputazio bakoitzak ez baitu lankidetza eredurik sortu behar. Horren ondorioz, bikoiztasunak, kudeaketa gastuak eta garapen eredu desberdinak –batzuetan, inkoherenteak– saihesten dira.
  
  
• Administrazioaren eta GKE-en eta oinarriko taldeen arteko harremana ere errazten du; izan ere, beren garapen egitasmoak eta sentsibilizazio programak aurkezten dituztenean sakabanaketa saihesten du, oinarri berak baitituzte.
  
• Herrialde pobretuetako garapen egitasmoak eta jarduerak kudeatzen ditu elkarlanean, garapen gizatiarra eta jasangarria bultzatzeko irizpideak ezarriz eta egitasmo handienei laguntza emanez.
  
  
• Teknikari taldeen bidez, egitasmoen kudeaketaren ebaluazioa, kontrola eta gardentasuna errazten du.

Orrialde honekin lotutako informaziora zuzenean