Fondo Andaluz de Municipios para la Solidaridad Internacional

Fondo Andaluz de Municipios para la Solidaridad Internacional 2000. urtearen hasieran sortu zen, eta helburu hauek ditu: Andaluziako udaletatik, mankomunitateetatik eta diputazioetatik bultzatutako garapenerako lankidetza indartzea eta Andaluziako gizartean elkartasuna sustatzea. Fondo hau 25 erakundek osatu zuten hasieran, baina berehala hedatu zen Andaluziako geografia osoan. Kide diren erakundeez gain, FAMSIk laguntzaile ugari ditu: bai erakundeak (Andaluziako Junta, aurrezki kutxak), bai elkarteak (FAMP, Andaluziako GKE-en Koordinadora, Andaluziako Auzo Elkarteen Konfederazioa, Andaluziako Udaletako Irrati eta Telebisten Elkartea…).

FAMSIren jarduera arautzen duten printzipioak hauek dira:

• Sozialki bidezkoa den garapen eredu bat defendatzea, aberastasuna gizaki guztion artean banatzeko eta ongizatearen bermea guztiok izateko.
  
  
• Natura babesteko, ingurugiroaren garapen eredu osasuntsuaren alde lan egitea; horrekin, baliabideak modu jasangarrian erabiltzea eta etorkizuneko belaunaldiek ere naturaz gozatzeko aukera izatea bermatu nahi da.
  
  
• Giza eskubide indibidualak eta kolektiboak aldarrikatzea, eta, horien artean, bizitzeko, osasunerako eta hezkuntzarako eskubideei lehentasuna ematea.
  
  
• Arrazismoaren eta xenofobiaren aurkako neurriak, ekintzak eta proposamenak eta emakumeen eta gizonen arteko aukera berdintasuna aldarrikatzea.

Printzipio horiek lan ildo hauen baitan gauzatzen dira:

a) Azken urteetako Andaluziako lankidetza deszentralizatuaren ebaluazioa eta inbentarioa egitea.

b) Garapen ekimenak abian jartzea bultzatzea, bai lankidetza zuzenaren bidez bazkide diren erakundeekin koordinatutakoak, bai GKE-ekin koordinatutakoak.

c) Instituzioen eta eragile sozialen laguntzaz sentsibilizazio eta komunikazio programa zabal bat egitea.

d) Prestakuntza jarduerak egitea, bai kudeaketa hobetzeko, bai eta nazioarteko lankidetzarako udalen konpromisoa hobetzeko ere.

Sortu eta urtebetera, FAMSIk 50 bazkide ditu; horien artean, Andaluziako 8 diputazioetatik 7.

Orrialde honekin lotutako informaziora zuzenean