Fondo Galego de Cooperación e Solidariedade

Fondo Galego de Cooperación e Soliodaridade 1997ko abenduan sortu zen, hausnarketa kolektibo sakon baten ondoren, mugimendu munizipalistak bultzatutako lankidetza dinamiketan jauzi kualitatiboa ematea ezinbestekoa zela konbentzituta. Fondo horrekin, lankidetza demokratizatu nahi da, bai eta tokiko erakunde guztiek herritarrak jarduera humanitarioetan parte hartzea lortzea ere.

Helburu nagusiak hauek dira: zenbait lankidetza programa finantzatzea eta herritarrak sentsibilizatzeko kanpainak sustatzea.

Horren jarduerak 2 arlotan banatzen dira:

a) Kudeaketa arloa.

b) Sentsibilizazio arloa: herritarrak sentsibilizatzeko, erakusketa ibiltari bat antolatu zen, bai eta Fondoak lankidetza gaietan egindakoari buruzko jardunaldiak eta hitzaldiak ere.

Duela gutxi sortu bazen ere, fondoak ordezkaritza (politiko eta demografiko) handia lortu du, eta, horri esker, baldintza ezin hobeak ditu elkartasunaren arloan udalen eragina handitzeko eta garapen bidean dauden herrialdeekiko lankidetza politiken babes soziala sustatzeko. Gaur egun, fondoak 84 bazkide ditu –horietako 80 udalek Galiziako biztanleen %56 hartzen dute–, eta, gainera, zazpi hiri handiek hitzarmen bat sinatu dute, fondoak udal horiek lankidetzarako duten dirua kudeatu ahal izateko. Gainera, fondoak Galiziako Xuntarekin lankidetza hitzarmena sinatu du. Horrez gain, Galiziako sindikatuek babesa eman diote fondoari, adierazpen publiko baten bidez.

Orrialde honekin lotutako informaziora zuzenean