Fons Menorquí de Cooperació

Fons Menorquí 1993an sortu zen, administrazio publikoen, GKE-en, herri elkarteen eta gizarte zibilaren laguntzarekin, Iparraldean eta Hegoaldean garapen ekonomiko jasangarria eta kulturalki askotarikoa lortzeko eredu baten diseinurako tokiko parte hartzea sustatzeko. Fondoaren helburuak hauek dira: garapen bidean dauden herrialdeetako egitasmoak finantzatzea, gizartea sentsibilizatzea, Giza Eskubideen urraketak publikoki salatzea eta fondoaren jarduerak zabaltzea.

Fons Menorquíren jarduera 2 arlotan banatuta dago:

a) Lankidetzarako arloa: 5 sektore hauetako egitasmoak finantzatzea eta horien segimendua egitea: immigrazioa, alternatiba ekonomiko jasangarriak sustatzea, gizarte zibila eta demokrazia indartzea, premiazko egoerak eta oinarrizko beharrak.

b) Sentsibilizazio arloa: GKE-ekin eta administrazioekin koordinatzen ditu jarduera hauek:

• Sentsibilizazioa (erakusketak, hitzaldiak, jardunaldiak);
  
  
• Garapenerako heziketa (ikastetxeetarako tailerrak eta jarduera osagarriak);
  
  
• Prestakuntza (GKE-etako kideentzako eta, oro har, guztientzako ikastaroak, Menorcako elkarte sarea hobeto prestatuta egoteko);
  
  
• Dokumentazioa eta hausnarketa (dokumentu fondo bat antolatzea eta GKE-etako eta fondoko bazkide diren administrazioetako kideen artean ideia trukea eta irakurketa sustatzea);
  
  
• Zabalkundea (hiru hilez behingo aldizkaria eta urteko memoria egitea; bertan, fondoak egindako jarduerak eta noizean behin tokiko prentsako artikuluak argitaratzen dira).
  

Sortu zenetik, uharteko udalen %100, GKE-en %100 eta herri erakunde ugari (auzo elkarteak, ikastetxeak, denda txikiak…) izan dira fondoko kide. Urtez urte bazkide gehiago ditu; batez ere, bazkide laguntzaileak eta banakako bazkideak. Gaur egun, Fons Menorquík 25 bazkide ditu, Govern de les Illes Balears eta Menorcako Consell Insularra barne.

Orrialde honekin lotutako informaziora zuzenean