Fons Mallorquí de Solidaritat i Cooperació-ko bazkideak

Fons Mallorquí irabazi asmorik gabeko erakundea da, eta 1993an sortu zen, Mallorcako udalek eta beste erakunde sozial batzuek garapen lankidetzarako emandako urteko dirua koordinatzeko eta bideratzeko.

Helburu nagusia lankidetza egitasmoen bidez baliabide ekonomiko horiek kudeatzea da, Hegoaldean egitasmo horiek jasoko dituzten pertsonen eta komunitateen garapen integral eta autojasangarria eraginkortasunez bultzatzeko; betiere, lankidetza ikuspuntu integratzailetik ulertuta eta tokiko boterea eta deszentralizazioa indartzeko asmoz. Gainera, Fons Mallorquíren jarduerek beste helburu hauek dituzte:

• Nazioarteko ordena ekonomiko bidezkoago baten aldeko ideia iritzi publikoan sustatzeko Mallorcako instituzioek egiten duten ahaleginari babesa ematea;
  
  
• Hegoaldearekiko eta giza eskubideekiko errespetu politikoa eta etikoa sustatzea;
  
• Garapenerako lankidetza jardueren eta kanpainen bidez, herritarren parte hartze aktiboa eta kritikoa bultzatzea.

Fons Mallorquíren jarduera hiru lan arlotan banatuta dago:

a) Lankidetzarako egitasmoak: fondoaren egitasmoak eta beste lankidetza alternatiba batzuk koordinatzeaz arduratzen da, eta, horretarako, egitasmok, premiazko laguntzak, senidetzeak, lankidetza konbenioak edo arlo jakin bati buruzko kanpainak antolatzen ditu.

b) Sentsibilizazioa: horren bidez, garapenerako lankidetzari buruzko sentsibilizazio jarduerak egiten dira, eta beste erakunde batzuetako proposamenak ere finantzatzen dira.

c) Dokumentazio zentroa: Centre de Formació per a la Cooperacióren baitan sortu zen, uharteko GKE-en eta fondoaren arteko elkarlanerako tokia izateko. Bertan, garapenerako lankidetzari buruzko informazioa kudeatu, zabaldu eta ikertzen da.

Gaur egun, 58 bazkide ditu fondoak horien artean, 51 udalek uharteko udalen %90 baino gehiago ordezkatzen dute–. Govern de les Illes Balearsek eta Mallorcako Consell Insularra ere Fons Mallorquíko kideak dira, eskubide guztiekin .

Orrialde honekin lotutako informaziora zuzenean