Fons Valencià per la Solidaritat-eko bazkideak

Fons Valencià per la Solidaritat 1992an sortu zen, Valentziako udalek eta beste erakunde batzuek munduan egoera txarrean dauden herrialdeen garapen jasangarri eta integralerako lankidetza egitasmoetarako bideratzen dituzten baliabideak koordinatzeko.

Fondoaren jarduerak hiru lan arlotan banatuta daude:

a) Kudeaketa eta zabalkunde arloa: horren helburua fondoaren jarduerak kudeatzea eta ahalik eta erakunde, udal eta valentziar gehienengana zabaltzea da.

b) Kooperazio arloa: fondoak onartutako GGKE-en eta Hegoaldeko kontraparteen egitasmoak kudeatzeaz arduratzen da. Urteko aurrekontuaren %90 bideratzen da horretara. Fondoa Valentziako Autonomia Erkidegoko Premietarako Batzordeko kidea da.

c) Sentsibilizazio arloa: arlo horren bidez programak egiten dira; esate baterako, Nazioarteko Lankidetzarako Udal Boluntarioen Prestaketa Plangintza eta Elkartasunerako Jardunaldiak fondoko kide diren udaletan, lankidetzako arduradunentzako jardunaldiak, erakusketak… Horren guztiaren helburua Iparraldetik ere pobreziaren arrazoiak nabarmentzea da.

Gaur egun, Fons Valenciàk 106 bazkide ditu; Valentziako Generalitata da Ohorezko Presidentea.

Orrialde honekin lotutako informaziora zuzenean