Euskal Fondoa – Lankidetzarako Udal Erakundeen Euskal Elkartea

Euskal Fondoa udaletan oinarritutako garapenaren euskal lankidetzarako erreferentzia nagusia da. Lankidetzarako erakunde askok eztabaida eta hausnarketa prozesu batean parte hartu zuten ondoren, 1996an Lankidetzarako Udal Erakundeen Euskal Elkartea –Euskal Fondoa– sortu zen, Garapenerako Nazioarteko Lankidetzarako udalek zuten bokazioa adierazteko.

Euskal Fondoaren helburuak hauek dira:

a) Garapenerako lankidetza sustatzea: lankidetza jarduerei buruzko aholkularitza sistema eskaintzen zaie tokiko korporazioei, udalen arteko egitasmoak garatzen dira, lankidetza arloko arduradun politikoentzat eta teknikoentzat prestakuntza mintegiak egiten dira.

b)Herritarrak sentsibilizatzea: udalek egiten dute, elkartasun arloko tokiko eragileekin batera, informazio eta sentsibilizazio kanpainen bidez euskal herritarren artean lankidetza solidarioaren printzipioak ezagutarazteko.

c) Erakundeak koordinatzea: euskal esparruko, Estatuko eta nazioarteko lankidetza erakundeen artean koordinaziorako eta elkarlanerako harremanak egiten eta bultzatzen dira, elkarrekin jarduerak egiteko.

Euskal Fondoaren osaera askotarikoa da, bai lurraldearen ikuspuntutik begiratuta, bai ikuspuntu politikotik begiratuta. Gaur egun, 84 tokiko erakunde daude, eta horiek Euskal Autonomia Erkidegoko biztanleen %80 inguru ordezkatzen dute.

Orrialde honekin lotutako informaziora zuzenean