Fons Català de Cooperació al Desenvolupament

Fons Català de Cooperació 1986an sortutako irabazi asmorik gabeko erakundea da, eta helburua erakunde publiko guztiak (udalak, eskualdeko kontseiluak, diputazioak eta Generalitata) fondo horretan biltzea da, Kataluniatik munduko herrialde pobretuenen garapena indartzeko eta informazio kanpainen bidez herritarren parte hartzea bultzatzeko. Gaur egun, 289 bazkide ditu; horien artean, Kataluniako biztanleen %85 hartzen duten 259 udal.

Fons Catalàren lehentasunak bi arlo hauetan daude:

a) Gai aldetik: munizipalismoa, tokiko boterea eta deszentralizazioa sustatzea du helburu, bai eta garapen gizatiarra eta jasangarria lortzea ere.

b) Geografian: 5 esparrutan dihardu; batez ere, Latinoamerikan (Erdialdeko Amerikan eta Kariben nagusiki), Mediterraneoan eta Sahara azpiko Afrikan, baina, gutxiago bada ere, Europarako (gerraosteko egoeratan bakarrik) eta Asiarako ekimenak ere egiten dira.

Lan ildo estrategiko batzuk ere zehaztu dira, garapenerako lankidetza deszentralizatua eta periferiako herrialdetako pertsonen nahiz komunitateen garapena sustatzeko, bai eta beste gizarte eta kultura batzuk ezagutzea bultzatuz Iparraldeko herritarrak sentsibilizatzeko ere.

Kataluniako udalak biltzen dituzten bi erakundeak –Udalen eta Eskualdeen Elkarte Katalana (ACMC) eta Kataluniako Udalen Federazioa (FMC)– Fons Cataláren erakunde laguntzaileak dira, eta udalak Fondoko bazkide izatera bultzatzen dituzte. 1995ean sortu zenetik, Consell de Cooperació de la Generalitateko kidea da fondoa, eta Kataluniako Generalitata du erakunde babesle. Gainera, garapenerako lankidetzaren Kataluniako legea onartu ondoren (26/2001 Legea, abenduaren 31koa), Fons Catalá Tokiko Erakundeak Koordinatzeko Batzordeko kidea da.

Orrialde honekin lotutako informaziora zuzenean