Zer da Konfederazioa?

Espainiako Estatuan dauden Lankidetzarako eta Elkartasunerako Fondo guztien koordinazio eta ordezkaritza bateratuaren esparrua da Lankidetzarako eta Elkartasunerako Fondoen Konfederazioa; Fondo horiek alor guztietakoak dira, eta, alor horiek, duten garrantzia dela eta, guztien interesei eragiten diete.

Helburuak

Konfederazioaren zereginek helburu hauek dituzte:

• Lankidetza deszentralizatua Konfederazioko kideen esparru barruan edo kanpoan bultzatzen laguntzea, bai eta sareetan antolatzen laguntzea ere.
• Konfederazioaren planteamenduekin bat datozen Estatuko, Europako eta munduko erakundeen mintzakide komun eta egonkorra izatea.
• Lanerako eta kudeaketarako baliabide koordinatuak sendotzea, bai elkarren arteko ezagutza lortzeko, bai eta egitasmoak aztertzeko, ebaluatzeko, kontrolatzeko eta haien segimendua egiteko irizpide komunak jartzeko ere.
• Sentsibilizazio egitasmo partekatuak bultzatzea.

Jatorria

Fondoen Konfederazioa 1995eko irailaren 19an sortu zen, Lankidetzarako Fondoen planteamendu ugari berdinak zirelako, nahi eta jatorria desberdina izan. Helburua legez sortutako fondoak biltzea eta haien ordezkaritza bateratua bere gain hartzea izan ziren; betiere, kide bakoitzaren independentzia eta identitatea errespetatuz.

Hauek dira Konfederazioaren sortzaileak: Fons Català de Cooperació al Desenvolupament, Euskal Fondoa, Fons Valencià per la Solidaritat, Fons Mallorquí de Solidaritat i Cooperació eta Fons Menorquí de Cooperació.

Orrialde honekin lotutako informaziora zuzenean