Egoitza soziala eta egitura teknikoa

Lankidetzarako eta Elkartasunerako Fondoen Konfederazioaren egoitza Bartzelonan dago. Hau da helbidea: Via Laietana, 33, 9è 2a. Bertan, idazkaritza tekniko iraunkorra dago.

Konfederazioaren egitura teknikoa bi koordinatzailek osatzen dute, eta, gaur egun, hauek Fons Catalàko eta Fons Valenciàko gerenteak dira. Idazkari tekniko baten laguntzaz, Lan Plangintzan jasotako lanak hartzen dituzte bere gain gerente horiek.

Lekuan bertako bulego teknikoak

Lankidetzarako eta Elkartasunerako Fondoen Konfederazioak bi bulego tekniko ditu lekuan bertan, hango jendearekin harreman estuagoa izateko eta benetako premiak hobeto ezagutzeko, bai eta kudeaketa gastu txikia eginez egitasmoak nola bideratu jakin dezaten informazioa emateko ere.

Bulegoen helburuak hauek dira:

• Bulegoen inguru geografikoan fondoen ordezkaritza banakoa nahiz bateratua izatea.
  
• Abian jarritako egitasmoen segimendua eta ebaluazioa egitea.
  
• Komunitateekin eta tokiko sareekin harreman zuzena edukitzea, haien premiak ezagutzeko.

Lehenengo bulegoa 1997an ireki zen, Managuan (Nikaragua), Erdialdeko Amerikan, Mexikon eta Kariben jarduteko. Gaur egun, Euskal Fondoko, Fons Catalàko eta Fons Mallorquíko ordezkariak dituzte etengabe.

2001eko bigarren seihilekoan Tetuango (Maroko) bulego teknikoa hasi zen lanean. Oraingoz Fons Catalàk eta Fons Mallorquík kudeatzen dute elkarrekin, Magrebeko eta, gerora, Mediterraneoko hegoaldeko eta ekialdeko herrialdeekin lankidetza harremana sustatzeko.

Orrialde honekin lotutako informaziora zuzenean