Instituzioetako presentzia

Lankidetzarako eta Elkartasunerako Fondoen Konfederazioak lan handia egin zuen Espainiako Estatuko Garapen Lankidetzarako Legearen onarpen prozesuaren segimendua egiten. Horrenbestez, Parlamentuak 1998ko uztailean onartutako testuan Fondoen Konfederazioak talde parlamentarioei aurkeztutako zuzenketa batzuk jaso ziren; bertan, garapenerako lankidetzan tokiko erakundeek parte har dezaten lankidetza deszentralizatua oso garrantzitsua dela nabarmentzen da.

Bestalde, Lankidetzarako Fondoak Lurralde arteko Batzordean tokia izatea bermatu zen. Batzorde hori tokiko, autonomia erkidegoetako eta Estatuko erakundeen ordezkaritza organoa da, eta Espainiako Estatuko garapen lankidetzarako politikak koordinatzen ditu (BOEren 13. alea, urtarrilaren 14ko 22/2000 Errege Dekretua):

d) “Estatuko zabalkunde handieneko elkarteak, bere barne prozeduren arabera, 19 ordezkari aukeratuko ditu, hauen artean: aurrekontuetan garapenerako diru laguntza ofizialtzat izendatutako fondoak kudeatzen dituzten tokiko erakundeen artean, edo haiengandik lan horren ardura jaso duten udalez gainetiko erakundeen artean, batez ere Lankidetzarako eta Elkartasunerako Fondoak kudeatzen dituzten artean”.

Fondoek 7 ordezkari dituzte, eta gaur egun honakoak dira:

• Teo Romero i Hernández, Fons Catalàko presidentea eta Santa Margarida de Montbuiko alkatea.
  
  
• Rosa Maria Ostogain Echeverria, Euskal Fondoko presidentea eta Berrizeko alkatea.
  
  
• Vicent Moreno Montañés, Fons Valenciàko presidentea eta Castelló de Rugateko alkatea.
  
  
• Alfredo Novoa Gil, Fondo Galegoko presidentea eta Oleiroseko alkateordea.
  
  
• Bernardí Coll i Martorell, Fons Mallorquíko, Fons Menorquíko eta Fons Pitiúseko ordezkaria eta Mancor de la Valleko alkatea.
  
  
• Francisco Pulido Muñoz, Fondo Andaluzeko eta Kordobako Diputazioko presidentea.
  
  
• Miguel Ángel Morales Sánchez, Fondo Extremeñoko eta Cácereseko Diputazioko presidenteordea.

Lurralde arteko Batzorde iraunkorrean, Fons Català de Cooperació al Desenvolupament dago ordezkatuta..

Orrialde honekin lotutako informaziora zuzenean