10/12/2010

Acto polo Día Internacional dos Dereitos Humanos

O escritor Fran Alonso realizará mañá venres, 10 de decembro, a lectura dun manifesto para conmemorar o Día Internacional dos Dereitos Humanos. O acto, organizado polo Fondo Galego de Cooperación e Solidariedade, terá lugar ás 12.30 horas na sede da Fegamp, en Santiago de Compostela. A lectura do comunicado constituirá a apertura da Asemblea Xeral Extraordinaria, á que están convidados a participar representantes das 99 administracións socias do Fondo Galego (95 concellos e as 4 deputacións). Previamente, ás 11 horas, celebrarase unha Asemblea Xeral Ordinaria.

Fran Alonso (Vigo, 1963), poeta e narrador vencellado profesionalmente ao xornalismo e á edición en lingua galega, é autor de títulos tan premiados como Tráiler ou Territorio ocupado, unha crónica de literatura periodística sobre o conflito saharauí.

DÍA: venres 10 de decembro

LUGAR: Sede da Federación Galega de Municipios e Provincias

            Rúa Varsovia 4C, 6ªplanta. Área Central.

            Santiago de Compostela (A Coruña)

HORA: 12.30 horas

SERVIZO DE COMUNICACIÓN

Carmen Novas      616 145 077

comunicacion@fondogalego.org